Pentagon Rossiyaga murojaat qilib, Suriyaning, mahalliy guruhlarga IShIDga qarshi kurash olib borishda yordam berayotgan Amerika maxsus topshiriqli bo‘linmalari joylashgan hududlariga aviazarbalar bermaslikni so‘radi, deb yozadi Meduza.
Amerikalik harbiylarning aniq joylashgan joyini Pentagon oshkor qilmadi, so‘rovda ular o‘z faoliyatini olib borayotgan taxminiy hududlar ko‘rsatildi, xolos. AQSh mudofaa vazirligida Rossiya ushbu iltimosni qondirganini ma’lum qilishdi.
“Men hech qanday tafsilotlarni oshkor etib o‘tirmayman, faqat biz o‘z odamlarimizni Rossiya aviazarbalaridan himoya qilishga uringanimizni aytishim mumkin. Ushbu so‘rov yuborildi va uni qondirishdi”, — dedi Pentagon matbuot kotibi Piter Kuk.
Izoh (0)