Saudiya Arabistoni jahon bozorida neft narxini oshirish uchun uni qazib olish hajmini kamaytirishdan bosh tortdi. Bu haqda Saudiya Arabistoni tashqi ishlar vaziri Odil al-Jubayr ma’lum qildi, deb yozadi Meduza.
U neft qazib olish hajmini hozirgi darajada saqlab qolish qarorini qo‘llab-quvvatladi, biroq Saudiya Arabistoni uni kamaytirishga tayyor emasligini qo‘shib qo‘ydi.
“Neft narxi bozordagi talab va taklif orqali baholanadi. Saudiya Arabistoni Qirolligi bozordagi ulushini himoya qilish niyatida”, — dedi vazir.
Eslatib o‘tamiz, 16-fevral kuni Saudiya Arabistoni va Rossiya dunyo bozorida neft xomashyosi keragidan ortiq bo‘lib ketgani tufayli, neft qazib chiqarish hajmini muzlatib qo‘yishga kelishib olgan edi.
Izoh (0)