Пентагон Россияга мурожаат қилиб, Суриянинг, маҳаллий гуруҳларга ИШИДга қарши кураш олиб боришда ёрдам бераётган Америка махсус топшириқли бўлинмалари жойлашган ҳудудларига авиазарбалар бермасликни сўради, деб ёзади Meduza.
Америкалик ҳарбийларнинг аниқ жойлашган жойини Пентагон ошкор қилмади, сўровда улар ўз фаолиятини олиб бораётган тахминий ҳудудлар кўрсатилди, холос. АҚШ мудофаа вазирлигида Россия ушбу илтимосни қондирганини маълум қилишди.
«Мен ҳеч қандай тафсилотларни ошкор этиб ўтирмайман, фақат биз ўз одамларимизни Россия авиазарбаларидан ҳимоя қилишга уринганимизни айтишим мумкин. Ушбу сўров юборилди ва уни қондиришди», — деди Пентагон матбуот котиби Питер Кук.
Изоҳ (0)