IBM Watson superkompyuteriga AQSh prezidenti bo‘lishni taklif qilishdi

IBM Watson superkompyuteriga AQSh prezidentligi uchun nomzodini ilgari surishni taklif qilishdi, deb yozadi Quartz.

Tashabbuskor guruh fikricha, mashina odamga nisbatan ancha taroziga solingan va xolis siyosiy qarorlar chiqara oladi.

2011-yilda Jeopardy! televiktorinasida odamlar ustidan g‘alaba qozongach, sun’iy intellektning savol-javob tizimi bilan ta’minlangan superkompyuter rivojlanishda davom etdi. Xususan, IBM unga tibbiyotni faollik bilan o‘rgatdi, Nyu-Yorkdagi Saratonni davolash markazi hamshiralari 90 foiz holatlarda uning ko‘rsatmalarini bajaradi.

Biroq insoniy hissiyot va ishtiyoqdan xoli bo‘lgan mashina uchun saylovoldi dasturi ancha radikal bo‘lib chiqdi. Superkompyuter barcha uchun baravar davlat tibbiy sug‘urtasi, bepul oliy ta’lim va yengil narkotiklarni qonuniylashtirishni yoqlab tashviqot olib bormoqda.

IBM rasmiy vakillari Watson 2016-yilgi saylovlarda qatnashishini tasdiqlamadi, biroq kelajakdagi bunday qadam haqida ham hech narsa demadi.