AQSh va Janubiy Koreya 2016-yili eng katta ko‘lamdagi o‘zaro harbiy mashqlarni o‘tkazadi. Mashg‘ulotlar Shimoliy Koreya tomonidan o‘tkazilgan yadro sinovi va uzoq masofaga mo‘ljallangan raketa uchirilishiga javob bo‘ladi. Bu haqda Koreya respublikasi shtab boshliqlari qo‘mitasi vakili, general-mayor Kim Yen Xen ma’lum qildi, deya xabar beradi “Korrespondent.net”.
“Javob choralari Shimoliy Koreya tomonidan kelgusidagi provokatsiyalarning oldini olishga qaratilgan harakatlarni o‘z ichiga oladi. Yuqori texnologiyali va Amerika—Janubiy Koreya harbiy mashqlari tarixidagi eng katta ko‘lamdagi mashg‘ulotlarning tashkil etilishi ularning bir qismi bo‘ladi”, — deya ta’kidlagan Xen.
Shuningdek, Janubiy Koreya va AQSh Koreya yarimorolida yangi THAAD (Terminal High Altitude Area Defense) raketaga qarshi himoya tizimi joylashtirilishi yuzasidan rasmiy muzokaralarni boshlashi ham bildirilmoqda.
Izoh (0)