АҚШ ва Жанубий Корея 2016 йили энг катта кўламдаги ўзаро ҳарбий машқларни ўтказади. Машғулотлар Шимолий Корея томонидан ўтказилган ядро синови ва узоқ масофага мўлжалланган ракета учирилишига жавоб бўлади. Бу ҳақда Корея республикаси штаб бошлиқлари қўмитаси вакили, генерал-майор Ким Ен Хен маълум қилди, дея хабар беради «Корреспондент.net».
«Жавоб чоралари Шимолий Корея томонидан келгусидаги провокацияларнинг олдини олишга қаратилган ҳаракатларни ўз ичига олади. Юқори технологияли ва Америка—Жанубий Корея ҳарбий машқлари тарихидаги энг катта кўламдаги машғулотларнинг ташкил этилиши уларнинг бир қисми бўлади», — дея таъкидлаган Хен.
Шунингдек, Жанубий Корея ва АҚШ Корея яриморолида янги THAAD (Terminal High Altitude Area Defense) ракетага қарши ҳимоя тизими жойлаштирилиши юзасидан расмий музокараларни бошлаши ҳам билдирилмоқда.
Изоҳ (0)