Huquq muhofazachilari Rossiya hukumati va huquq posbonlarini Checheniston rahbari Ramzan Qodirov o‘z Instagram sahifasida e’lon qilgan videoga e’tibor qaratishga undamoqda, deb yozadi “Interfaks”. Unda snayper nishoni fonidagi Rossiya sobiq bosh vaziri va “PARNAS” partiyasi yetakchisi Mixail Kasyanov aks etgan.
“Fikrimcha, bu Rossiya hukumati uchun chaqiriq. Kimdir vaziyatni keskinlashtirmoqchi, — dedi “Inson huquqlari uchun” harakati raisi Lev Ponomaryov. — Prokuratura bunga hech qanday e’tibor qaratmasa, hayron qolaman. Menimcha, bunday e’lonlar orqali prokuratura va huquqni himoya qilish tizimi chidamliligini tekshirib ko‘rishmoqda”.
Qodirov Instagram’dagi videosini “Kasyanov Rossiya muxolifati uchun pul olishga Strasburgga keldi. Tushunmaganlar tushunib oladi” — deya sharhlagan.
12-yanvar kuni Qodirov tizimdan tashqari muxolifatga nisbatan keskin fikr bildirgan edi. U muxolifat vakillariga nisbatan “xalq dushmani”ga bo‘lgani kabi munosabatda bo‘lishga chaqirgan edi. Checheniston rahbarining ushbu so‘zlari qizg‘in muhokamalarga sabab bo‘ldi.
Izoh (0)