Davlat Dumasining Mudofaa bo‘yicha qo‘mitasi rahbari Vladimir Komoyedov Rossiyaning Su-34 samolyoti Turkiya havo kengliklarini buzgani haqidagi Anqaraning bayonotini Jenevadagi Suriya bo‘yicha muzokaralar oldidan “o‘zini eslatib qo‘yish” deb baholamoqda. Bu haqda “RBK” xabar qilmoqda.
“Turklar shu tariqa o‘zlarini eslatib qo‘ymoqda”, — dedi Komoyedov.
“Balki ular buni Jenevadagi muzokaralar oldidan qilgandir, balki shu tariqa savdolashayotgandir. Bu navbatdagi tahqirlashga o‘xshaydi, buni boshqacha atab bo‘lmaydi”, — dedi qo‘mita rahbari.
Turkiya tashqi ishlar vazirligi 29-yanvar kuni tongda Rossiya harbiy-havo kuchlarining Su-34 samolyoti Turkiya havo kengliklarini buzib kirganini ma’lum qildi. Rossiya Mudofaa vazirligi esa Turkiya TIVning bayonotini safsata deb atadi.
Ushbu hodisadan keyin Turkiya harbiy-havo kuchlarida xavfning “to‘q sariq” darajasi e’lon qilindi.
Izoh (0)