Italiya rasmiylari Google korporatsiyasini 2008-2013-yillardagi faoliyati davomida 300 million yevro atrofida soliq to‘lamaganlikda ayblamoqda. Bu haqda mamlakat prokuraturasiga tayanib, “RBK” xabar bermoqda.
Prokuratura ma’lumotlariga ko‘ra, Google shtab-kvartirasini Italiyadan Irlandiyaga ko‘chirayotganda avval olgan 800 million yevro daromadi haqidagi ma’lumotlarni oshkor qilmagan.
La Repubblica nashrining bildirishicha, korporatsiya Italiya rasmiylari bilan muzokaralar olib borgan va tovon tariqasida 150—200 million yevro taklif etgan, biroq kelishuvga erishilmagan.
“Google faoliyati u ish olib borayotgan barcha mamlakatlardagi soliq qonunchiligiga to‘g‘ri keladi. Mazkur masala yuzasidan tegishli idoralar bilan ishlashda davom etmoqdamiz”, — deya ayblovlarga izoh bergan korporatsiya vakillari.
Izoh (0)