Rossiya federal migratsiya xizmatining (FMX) Moskva bo‘yicha boshqarmasi vatanidan ikki bor qochgan va deportatsiya qilinsa, o‘limga hukm etilishidan xavfsirayotgan Shimoliy Koreya fuqarosiga boshpana berishdan bosh tortdi. Bu haqda “RBK” xabar bermoqda.
Hozirda huquq himoyachilari mazkur qaror ustidan shikoyat qilish va koreyalikka qochoq maqomi berilishiga erishishga harakat qilmoqda. Agar shikoyat rad etilsa, u Rossiya va KXDR o‘rtasida 2015-yil noyabrida tuzilgan jinoiy ishlar bo‘yicha o‘zaro huquqiy yordam haqidagi shartnomaga muvofiq Shimoliy Koreyaga jo‘natib yuborilishi mumkin. Bu esa KXDRdan qochganlar uchun o‘lim yoki o‘lim lagerlaridagi mahbuslikni anglatadi.
FMX KXDR fuqarosi o‘z arizasida hayoti xavf ostida ekanligini dalillay olmagan, deb hisoblamoqda. Rasmiylarning bildirishicha, u Shimoliy Koreyaga qaytsa qatl etilishi ko‘zda tutilgan qonun moddalarini ko‘rsatib o‘tmagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)