Business Insider portali Yer sayyorasining eng boy 50 odamini aniqlash bo‘yicha Wealth-X nashri bilan birgalikda olib borgan tadqiqotlari natijasini e’lon qildi, deb xabar beradi “Gazeta.ru”.
Tahlil uchun Yer sayyorasining eng boy 110 ming odami haqidagi ma’lumotlardan foydalanildi. Yakunda sayyoraning eng boy 50 fuqarosi tanlab olindi, ularning umumiy boyligi taxminan 1,46 trillion dollarga baholanmoqda. Nashrning qayd etishicha, bu Avstraliya, Ispaniya yoki Meksikaning yillik yalpi ichki mahsulotidan ko‘p deganidir.
Reytingni Microsoft asoschisi 60 yoshli Bill Geyts boshqarib turibdi. Uning boyligi 87,4 milliard dollarga baholanmoqda. Uning ortidan 66,8 milliard dollar kapitalga ega 79 yoshli ispan Amansio Ortega bormoqda. U 77 mamlakatda 5 mingdan ortiq do‘koniga ega Inditex kompaniyasini ochgan. Kuchli uchlikni dunyodagi eng mashhur investorlardan biri 85 yoshli amerikalik Uorren Baffet yakunlab bergan. Uning boyligi 60,7 milliard dollarga baholandi.
“Milliarderlar klubi”ga a’zo bo‘lish uchun kamida 14,3 milliard dollarga ega bo‘lish kerak. Reytingni yakunlab bergan 58 yoshli nigeriyalik investor Liko Dangotening aynan shuncha boyligi bor.
Izoh (0)