Италия расмийлари Google корпорациясини 2008-2013 йиллардаги фаолияти давомида 300 миллион евро атрофида солиқ тўламаганликда айбламоқда. Бу ҳақда мамлакат прокуратурасига таяниб, «РБК» хабар бермоқда.
Прокуратура маълумотларига кўра, Google штаб-квартирасини Италиядан Ирландияга кўчираётганда аввал олган 800 миллион евро даромади ҳақидаги маълумотларни ошкор қилмаган.
La Repubblica нашрининг билдиришича, корпорация Италия расмийлари билан музокаралар олиб борган ва товон тариқасида 150—200 миллион евро таклиф этган, бироқ келишувга эришилмаган.
«Google фаолияти у иш олиб бораётган барча мамлакатлардаги солиқ қонунчилигига тўғри келади. Мазкур масала юзасидан тегишли идоралар билан ишлашда давом этмоқдамиз», — дея айбловларга изоҳ берган корпорация вакиллари.
Изоҳ (0)