Qaroqchining qo‘liga tushgan “Baron”, Yevropa uchun Eron gazi, Ramzan Qodirovdan norozi rossiyaliklar va kunning boshqa muhim yangiliklari

28-yanvarning muhim yangiliklari — “Daryo”ning kechki dayjestida.

1. Rustam Sa’diyev “o‘zbek kinosi rivoji uchun” “Baron” filmini kinoteatrlarda tomosha qilishga chaqirdi. Bir narsa aniq — kinoteatrlarda zo‘r muvaffaqiyat bilan namoyish etila boshlangan film noqonuniy ravishda disklarga chiqib ketgan, juda yaxshi sifatda.

2. Eron ikki yildan so‘ng Yevropaga gaz yetkazib berishni boshlashni rejalashtirmoqda. Eron, shuningdek, Fors ko‘rfazidagi qo‘shnilari — Kuvayt va BAAga gaz yetkazib berishni rejalashtirmoqda, hatto ayni paytda munosabatlar tarang bo‘lgan Saudiya Arabistoni ham istisno etilmayapti.

3. Toshkent rossiyalik sayyohlar orasida eng ommabop shaharlar o‘ntaligiga kirdi. O‘zbekistonning Toshkent, Buxoro va Samarqand shaharlariga sayohat eng ko‘p bron qilinishi ma’lum bo‘ldi.

4. Denis Istomin kelishilgan o‘yinlarda qatnashgani haqidagi ayblovlarni bema’nilik deb atadi. “Bu g‘irt bema’nilik. Bunday da’volar hech qanday asosga ega emas”, — dedi O‘zbekistonning birinchi raqamli raketkasi.

5. Rossiyaliklar Ramzan Qodirovning muxolifat haqidagi gaplarini nomaqbul deb atadi. “Levada-markaz” so‘rovi ishtirokchilarining qariyb 60 foizi rossiyalik siyosatchilarning tizimdan tashqari muxolifatchilar xalq dushmanlari hisoblanishi haqidagi fikrlarini nomaqbul deb atadi.

Bonusiga test — astronomiya borasidagi bilimlaringizni sinab ko‘ring.