Hindistonning Chennay shahrida shaxmat bo‘yicha an’anaviy xalqaro turnir davom etmoqda. O‘z tarixida sakkizinchi bor tashkil etilgan Chennai Open musobaqasida 11 davlatdan jami 213 shaxmatchi bosh mukofot uchun dona suryapti. Ulardan 22 nafari xalqaro grossmeysterlar, 25 nafari esa xalqaro ustalardir, deb xabar beradi “Olamsport”.
Mazkur xalqaro turnirda O‘zbekiston sharafini xalqaro grossmeyster Marat Jumayev himoya qilyapti. O‘zbekistonlik shaxmatchi turnirda reyting bo‘yicha 14-raqam ostida tasniflangan. Kecha, 19-yanvar kuni o‘tkazilgan 3-tur uchrashuvida Marat Jumayev durang o‘ynadi.
Qora donalarda harakat qilgan Jumayev hindistonlik Arjun Erigaysining qarshiligini sindira olmadi. Lekin dastlabki ikki turda o‘zbekistonlik xalqaro grossmeyster raqiblarini mag‘lubiyatga uchratgan edi.
Bugun, 20-yanvar kuni Jumayev o‘zi singari 2,5 ochkoga ega bo‘lib turgan mezbon shaxmatchi Shet Jaykumar Sammed bilan munosabatlariga oydinlik kiritib oladi.
Izoh (0)