“Real”ning mashg‘ulotida jamoa bosh murabbiyi Zinedin Zidan va futbolchi Krishtianu Ronaldu o‘rtasida qiziq hodisa ro‘y berdi, deya xabar beradi “Stadion.uz”.
Zidan mashg‘ulot paytida Ronalduning oldiga kelib, jarima zarbalarini ijro etishda bellashishni taklif qildi. “Qara va o‘rgan”, — dedi murabbiy hazil ohangida futbolchiga.
Zidan o‘nta imkoniyatning barchasida nishonni to‘g‘ri olgan bo‘lsa, Ronaldu bunga ikki marta erishdi, xolos. Bellashuvdan so‘ng portugaliyalik futbolchi ustozining zarbalaridan hayratga tushganini yashirmadi.
Eslatib o‘tamiz, avvalroq “Real” hujumchisi Krishtianu Ronaldu klub bosh murabbiyi Zinedin Zidan bilan ishlash qanday kechayotgani haqida gapirib bergan va futbolchilar Zidanni Benitesdan ko‘ra ko‘proq yoqtirishini aytgan edi.
Izoh (0)