NVIDIA, Microsoft, RYNKL kabi bir qator IT-kompaniyalar jamoasi hakamlik vazifasini robotlar o‘taydigan ilk go‘zallik tanlovini tashkil etdi. Bu haqda “Hi-tech.mail.ru” xabar bermoqda.
Tanlovda erkaklar ham, ayollar ham ishtirok etishi mumkin. Ular yoshiga qarab toifalarga bo‘linadi, biroq yosh bo‘yicha hech qanday cheklov yo‘q. Tanlovda ishtirok etish uchun yuz suratini Google Play va AppStore yordamida maxsus dastur orqali joylashtirish lozim. Qoidalarga ko‘ra, pardoz-andoz, soqol yoki ko‘zoynak bilan suratga tushish man etiladi.
Robotlar tanlovga yuborilgan suratlarni skanerdan o‘tkazadi va ularni bir-biriga solishtirib ko‘radi. Tanlov ishtirokchilarini qiyofasi, ajinlar soni, terisining turi kabi bir qancha ko‘rsatkichlardan kelib chiqib baholaydi. Hakamlar tarkibi yana kengayishi mumkin: tashkilotchilar portretlarni tanishga dasturlashtirilgan boshqa robotlarni ham tanlovga jalb etmoqda.
Izoh (0)