NVIDIA, Microsoft, RYNKL каби бир қатор IT-компаниялар жамоаси ҳакамлик вазифасини роботлар ўтайдиган илк гўзаллик танловини ташкил этди. Бу ҳақда «Hi-tech.mail.ru» хабар бермоқда.
Танловда эркаклар ҳам, аёллар ҳам иштирок этиши мумкин. Улар ёшига қараб тоифаларга бўлинади, бироқ ёш бўйича ҳеч қандай чеклов йўқ. Танловда иштирок этиш учун юз суратини Google Play ва AppStore ёрдамида махсус дастур орқали жойлаштириш лозим. Қоидаларга кўра, пардоз-андоз, соқол ёки кўзойнак билан суратга тушиш ман этилади.
Роботлар танловга юборилган суратларни сканердан ўтказади ва уларни бир-бирига солиштириб кўради. Танлов иштирокчиларини қиёфаси, ажинлар сони, терисининг тури каби бир қанча кўрсаткичлардан келиб чиқиб баҳолайди. Ҳакамлар таркиби яна кенгайиши мумкин: ташкилотчилар портретларни танишга дастурлаштирилган бошқа роботларни ҳам танловга жалб этмоқда.
Изоҳ (0)