AQSh prezidenti Barak Obama vitse-prezident Jozef Baydenga o‘g‘lini saraton xastaligidan davolatishsh uchun moliyaviy yordam taklif etgan. Bu haqda Bayden CNN telekanaliga bergan intervyusida ma’lum qildi, deya xabar beradi “TASS”.
Obama va vitse-prezident o‘rtasidagi suhbat ular birgalikda tushlik qilayotganda bo‘lib o‘tgan. Bayden katta o‘g‘li Bo og‘ir kasallik tufayli Delaver shtati bosh prokurorligidan ketishiga to‘g‘ri kelishi, uni davolatishga esa katta mablag‘ zarurligini bildirgan.
“Men buning chorasini topganim, turmush o‘rtog‘im Jill bilan uyni sotib, vaziyatdan chiqishimizni aytdim. Prezident esa aslo bunday qilmasligimizni uqtirib, istalgan yordam, jumladan, pul berib turishni taklif etgan. Men prezident tomonidan ko‘rsatilgan xayrixohlik uchun juda minnatdorman va buni hech qachon unutmasam kerak”, — deya xotirlagan Bayden.
Bo Bayden 2015-yil mayda 46 yoshida miya saratonidan vafot etdi. Bu Jozef Bayden uchun yaqinlarini yana bir marta yo‘qotish bo‘ldi: 1972-yili uning birinchi xotini va bir yoshdan oshgan qizi avtohalokatda nobud bo‘lgandi. O‘g‘lining o‘limi sababli ham Bayden AQSh prezidentligiga saylovlarda ishtirok etishdan bosh tortgandi.
Izoh (0)