BBC fotosuratchisi va boshlovchisi Krim Pekem “Eng ayyor jonivorlar” dasturida Balidagi Uluvatu ibodatxonasi maymunlari kuppa-kunduzi sayyohlarning ko‘zoynak, shippak, bosh kiyim, telefon kabi buyumlarini o‘g‘irlab olishini ko‘rsatib berdi, deb yozadi Meduza. Ular buni aniq maqsad bilan qiladi: o‘g‘irlangan narsalarni jonivorlar yegulikka ayirboshlaydi.
Pekem o‘zini ehtiyotsiz sayyohdek tutib, eksperiment o‘tkazdi, shunda maymunlardan biri darhol uning yoniga yugurib keldi va iPhone’ini o‘g‘irlab ketdi. Shundan so‘ng maymun va boshlovchi savdolasha boshladi: Pekem dastlab maymunga yong‘oq va banan taklif qildi, biroq bu uni qoniqtirmadi. iPhone’ni u faqat tuxumga almashtirishga rozi bo‘ldi.
Izoh (0)