Shavkat Mullajonov BAAning “Al Shaab” klubiga o‘tdi

So‘nggi bir yarim mavsum davomida Toshkentning “Lokomotiv” jamoasi safida to‘p surgan Shavkat Mullajonov kecha, 6-yanvar kuni Sharja (BAA)ning “Al Shaab” klubi bilan shartnoma imzoladi. Bu haqda “Uff.uz” xabar bermoqda.

30 yoshli markaziy himoyachi BAA chempionatining ikkinchi qismida endi sharjaliklar tarkibida harakat qiladi.

Italiyalik mashhur sobiq darvozabon Valter Zenga bosh murabbiyligidagi “Al Shaab” Mullajonovning hisob bo‘yicha to‘rtinchi xorijiy klubidir. U bungacha Qatarning “Al Ahli”, Saudiya Arabistonining “Al Nasr” hamda Xitoyning “Lyaonin Vuvin” jamoalarida o‘ynagan.

2013/2014-yillardagi mavsumning ikkinchi yarmida “Al Shaab” sharafini o‘zbekistonlik Oybek Qilichev ham himoya qilgandi.