ФИФА томонидан терма жамоаларнинг янги рейтинги эълон қилинди. Унга кўра Ўзбекистон миллий терма жамоаси 73-ўриндан жой олди. Бу ҳақда «Uff.uz» хабар бермоқда.
Ўзбекистон Осиё жамоалари орасида 6-ўринни эгаллаб турибди. Қитъадаги энг яхши натижа ҳамон Эронга тегишли бўлиб, айни вақтда эронликлар умумий рейтингда 43-ўринни эгаллаб турибди. Жанубий Корея, Япония, Австралия ва БАА термалари кейинги ўринларда бормоқда. Ўзбекистон терма жамоасидан кейин эса Саудия Арабистони ва Хитой ўрин олган.
Эслатиб ўтамиз, бир ой муқаддам Ўзбекистон миллий терма жамоаси 74-ўринда қайд этилган эди.
ФИФА рейтингидаги етакчиларнинг ўрни ўзгармай қолган. 1494 очко жамғарган Бельгия терма жамоаси ҳамон биринчи бўлиб турибди. Аргентина иккинчи, Испания терма жамоаси учинчи ўринни эгаллаган.
Изоҳ (0)