4-yanvarning muhim yangiliklari — “Daryo”ning kechki dayjestida.
1. Saudiya Arabistoni Eron bilan diplomatik aloqalarni uzdi. Saudiya tomonidan 47 kishi, jumladan, shia ulamosi Nimr an-Nimrning qatl etilgani Yaqin Sharqning ikki yirik mamlakati o‘rtasidagi munosabatlarni keskinlashtirib yubordi — neft narxi oshmoqda, AQSh xotirjamlikka chaqirmoqda, BMT esa Saudiyaga maslahat bermoqda, Rossiya esa vositachi bo‘lishga tayyor.
2. “O‘zbektelekom” 1 oy mobaynida internet sifati yomonlashishi mumkinligi haqida ogohlantirdi. Ma’lumot uchun, “O‘zbektelekom” aksiyadorlik kompaniyasining hamkorlari tarmog‘idagi ishlar 12-oktabrdan beri uzluksiz davom etmoqda.
3. O‘zbekistonda dollarning rasmiy kursi qariyb 6,5 so‘mga oshdi. 2015-yilning so‘nggi bir necha haftasi davomida dollarning rasmiy kursi har hafta kamida 14 so‘mga o‘sayotgandi.
4. 5-yanvarda Farg‘ona vodiysida qor yog‘ishi kutilmoqda. Qolgan hududlarda esa yog‘ingarchilik kuzatilmaydi, faqat tuman tushadi.
5. Tailandda Yangi yil ta’tili davomidagi yo‘l-transport hodisalarida 300 ga yaqin kishi halok bo‘ldi. Bu ta’til emas, qandaydir urushga o‘xshaydi, rosti.
Izoh (0)