“O‘zbekneftgaz” Milliy xolding kompaniyasi “Sechanko‘l, Oqjar va Chimboy investitsiya bloklarida geologik qidiruv, shuningdek, Urga, Oqchaloq va Chandir guruhidagi konlarda qazish ishlarini olib borish” investitsiyaviy loyihasini amalga oshirishga tayyorgarlik ko‘rmoqda. Bu haqda kompaniya rasmiy saytida xabar berildi.
Loyiha qo‘shma korxona tuzish orqali amalga oshiriladi. Buning uchun xorijiy investor tanlov asosida tanlab olinadi. Shu munosabat bilan, “O‘zbekneftgaz” neft-gaz sohasida zamonaviy ish uslublariga ega bo‘lgan va investitsiyaviy loyihani birgalikda amalga oshirishga qiziqish bildirgan neft-gaz kompaniyalarini tanlovda qatnashishga chorlaydi.
Bunday neft-gaz kompaniyalari o‘zi haqidagi ma’lumotni ilova qilgan holda ishtirok uchun rasmiy ariza berishi kerak. Ular bilan belgilangan tartibda maxfiylik haqida shartnoma tuziladi, so‘ng tayyorlanish va o‘z takliflarini taqdim etish uchun tegishli hujjatlar beriladi. Arizalar 8-yanvar 17:00 gacha qabul qilinadi.
Izoh (0)