«Ўзбекнефтгаз» Миллий холдинг компанияси «Сечанкўл, Оқжар ва Чимбой инвестиция блокларида геологик қидирув, шунингдек, Урга, Оқчалоқ ва Чандир гуруҳидаги конларда қазиш ишларини олиб бориш» инвестициявий лойиҳасини амалга оширишга тайёргарлик кўрмоқда. Бу ҳақда компания расмий сайтида хабар берилди.
Лойиҳа қўшма корхона тузиш орқали амалга оширилади. Бунинг учун хорижий инвестор танлов асосида танлаб олинади. Шу муносабат билан, «Ўзбекнефтгаз» нефть-газ соҳасида замонавий иш услубларига эга бўлган ва инвестициявий лойиҳани биргаликда амалга оширишга қизиқиш билдирган нефть-газ компанияларини танловда қатнашишга чорлайди.
Бундай нефть-газ компаниялари ўзи ҳақидаги маълумотни илова қилган ҳолда иштирок учун расмий ариза бериши керак. Улар билан белгиланган тартибда махфийлик ҳақида шартнома тузилади, сўнг тайёрланиш ва ўз таклифларини тақдим этиш учун тегишли ҳужжатлар берилади. Аризалар 8 январь 17:00 гача қабул қилинади.
Изоҳ (0)