San-Diyegoda (AQSh) Yangi yil kechasida egizaklar ikki daqiqa farq bilan dunyoga keldi. Shu bois ulardan birining tug‘ilgan kuni 2015-yilda, ikkinchisiniki esa 2016-yilda qayd etildi. Bu haqda “Gazeta.ru” xabar bermoqda.
Egizaklar o‘g‘il va qiz bo‘lib, biri 2015-yil 31-dekabr 23.59 da dunyoga kelgan, yana biri 2016-yil 1 yanvarda, 00.01 da tug‘ilgan. Ularning otasi — Lui Valensning aytishicha, bolalar asli yanvar oxirida dunyoga kelishi kutilgan, biroq shifokor turmush o‘rtog‘iga salomatligi borasidagi muammolar tufayli imkon boricha ertaroq tug‘ishni maslahat bergan. Shunga qaramay, hozirda egizaklar mutlaqo sog‘ ekanligi aytilmoqda.
Izoh (0)