Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi 2015-yilning dekabr oyida UzDigital TV kompaniyasida tekshirish o‘tkazdi. Bu haqda inspeksiya matbuot xizmati xabar bermoqda.
“Tekshirish davomida aniqlangan kamchiliklarni bartaraf etilishi yuzasidan xo‘jalik yurituvchi subyektga ko‘rsatma taqdim etildi”, — deyiladi inspeksiya axborotida.
Tekshirish davomida UzDigital TV’da aynan qanday kamchiliklar aniqlangani ma’lum qilinmagan.
Qayd etishlaricha, ushbu tekshirish Nazorat qiluvchi organlar faoliyatini muvofiqlashtiruvchi Respublika Kengashining 2014-yil 30-noyabrdagi qarori bilan tasdiqlangan 2015-yilda o‘tkaziladigan tekshirishlar reja-jadvaliga asosan tashkil etilgan.
Izoh (0)