“Daryo”da doimiy rukn — har ish kuni eng muhim yangiliklarning kechki dayjesti berib boriladi.
1. Toshkent shahridagi Mustaqillik maydonida bayram tantanalari boshlandi. Bunday bayram tadbirlari Qoraqalpog‘iston Respublikasi, barcha viloyatlarda bo‘lib o‘tmoqda.
2. Iroq armiyasi Er-Ramadi shahri IShID jangarilaridan ozod etilganini e’lon qildi. Bu IShIDga qarshi kurash doirasida so‘nggi kunlarda qo‘lga kiritilgan yagona muvaffaqiyat emas — IShID yetakchilaridan biri Abu Umar ash-Shishaniyni qo‘lga oldi.
3. O‘zbekistonda dollarning rasmiy kursi Yangi yil arafasida 2800 so‘mdan oshdi. Bungacha 12 hafta davomida kamida 14 so‘mga yuqorilayotgan dollar kursi, yilning oxirgi haftasida roppa-rosa 15 so‘mga qimmatladi.
4. “Frans Press” agentligi Merkel va Putinni 2015-yilning eng nufuzli kishilari deb atadi. Ushbu reytingda uchinchi o‘rinni Rim papasi Fransisk, keyingi pog‘onalarni parijliklar, IShID yetakchisi Abu Bakr al-Bag‘dodiy band qildi.
5. “Yulduzlar jangi” rekord tezlikda 1 mlrd dollar yig‘di. Saganing yangi epizodi AQShda namoyish etila boshlangandan buyon to‘qqiz kun ichida bir milliard dollar yig‘di.
Izoh (0)