2800 сўмдан ошган доллар, нуфузли Меркель ва Путин, 9 кунда 1 млрд тўплаган «жанглар» ва куннинг бошқа муҳим янгиликлари

«Дарё»да доимий рукн — ҳар иш куни энг муҳим янгиликларнинг кечки дайжести бериб борилади.

1. Тошкент шаҳридаги Мустақиллик майдонида байрам тантаналари бошланди. Бундай байрам тадбирлари Қорақалпоғистон Республикаси, барча вилоятларда бўлиб ўтмоқда.

2. Ироқ армияси Эр-Рамади шаҳри ИШИД жангариларидан озод этилганини эълон қилди. Бу ИШИДга қарши кураш доирасида сўнгги кунларда қўлга киритилган ягона муваффақият эмас — ИШИД етакчиларидан бири Абу Умар аш-Шишанийни қўлга олди.

3. Ўзбекистонда долларнинг расмий курси Янги йил арафасида 2800 сўмдан ошди. Бунгача 12 ҳафта давомида камида 14 сўмга юқорилаётган доллар курси, йилнинг охирги ҳафтасида роппа-роса 15 сўмга қимматлади.

4. «Frans Press» агентлиги Меркель ва Путинни 2015 йилнинг энг нуфузли кишилари деб атади. Ушбу рейтингда учинчи ўринни Рим папаси Франциск, кейинги поғоналарни парижликлар, ИШИД етакчиси Абу Бакр ал-Бағдодий банд қилди.

5. «Юлдузлар жанги» рекорд тезликда 1 млрд доллар йиғди. Саганинг янги эпизоди АҚШда намойиш этила бошлангандан буён тўққиз кун ичида бир миллиард доллар йиғди.