General Motors Powertrain Uzbekistan qo‘shma korxonasi Toshkent shahridagi Kasb-hunarga o‘qitish markaziga, o‘quv jarayonida foydalanish uchun 1.5 L2C Euro 2 dvigatelini sovg‘a qildi. Bu haqda “O‘zavtosanoat” AK matbuot xizmati xabar bermoqda.
Uch yil oldin tashkil topgan markazning maqsadi to‘rtta asosiy yo‘nalish bo‘yicha mutaxassislarni o‘qitish va tayyorlashdan iborat bo‘lib, bular: avtomobillarni ta’mirlash va texnik xizmat ko‘rsatish, mashinasozlik ishlab chiqarishi, elektr tizimlari, elektronika va axborot texnologiyalaridir.
“General Motors Powertrain Uzbekistan zavodidan juda minnatdormiz, markazimizning 20 nafar bitiruvchilari hozir zavodda faoliyat yuritmoqda va biz bundan keyin ham zavod bilan samarali hamkorlik qilishga umid bog‘lab qolamiz”, — dedi markaz direktori Ravshan Ibragimov.
General Motors Powertrain Uzbekistan zavodi Bosh direktori Jennifer Bigelou ushbu sovg‘a orqali markazning yoshlarga avtomobilsozlik sir-asrorlarini o‘rgatishdek ezgu maqsadlariga ko‘maklashayotganidan kompaniya jamoasi xursandligini ta’kidladi.
Izoh (0)