Samarqand shahar Amir Temur madaniyat va aholi dam olish markazi hamda Samarqand shahar 55-son umumta’lim maktabi hamkorlikda “Yangi yil karnavali” deb nomlangan teatrlashtirilgan tomoshasiga barcha badiiy havaskorlik jamoalari katta tayyorgarlik ko‘rdi. Ushbu karnaval musiqali drama ko‘rinishida talqin qilinganligi uchun tomosha juda qiziqarli o‘tdi. Bu haqda Samarqand shahar Amir Temur madaniyat va aholi dam olish markazi direktori Ochil Jumanazarov “Daryo”ga ma’lum qildi.
Ertak qahramonlari “Buratino” nomli namunali bolalar badiiy qo‘g‘irchoq jamoasi a’zolari tomonidan ijro qilindi.
Tomoshada Amir Temur madaniyat va aholi dam olish markazi qoshida faoliyat ko‘rsatayotgan “Raqs” jamoasi (xoreograf – Yodgora Narzullayeva) va “Afrosiyob” vokal-cholg‘u guruh (badiiy rahbari – Salohiddin Oripov) hamda xonanda Sherzod Tursunov va 55-son umumta’lim maktabi o‘quvchisi Bobur Muhiddinovlar o‘z dasturlari bilan ishtirok etdi.
Ushbu teatrlashtirilgan tomoshalar maktab, mahallalar markazi, archa maydonchalari va mehribonlik uylarida namoyish qilinishi rejalashtirilgan.
Izoh (0)