Isroilda cho‘chqa grippi tufayli bir ayol vafot etdi, yana 8 kishi shunday tashxis bilan kasalxonaga yotqizildi. Bu haqda “TASS” xabar bermoqda.
“Sakkiz nafar ayol (ulardan uch nafari homilador) kasalxonalarga cho‘chqa grippi tashxisi bilan yotqizildi. Ularning holati og‘ir ekanligi aytilmoqda. Oldinroq Petax-Tikva shahridagi Ishoq Rabin nomli tibbiyot markazida cho‘chqa grippi asorati tufayli 50 yoshli ayol hayotdan ko‘z yumgandi. Cho‘chqa grippidan tashqari ayol virus tufayli zo‘raygan surunkali kasalliklardan ham aziyat chekkan”, — deya xabar qilgan Isroil televideniyesining 9-kanali.
Isroil sog‘liqni saqlash vazirligi fuqarolarni grippga qarshi emlanishga chaqirgan.Ma’lum bo‘lishicha, ayni paytda og‘ir holatda yotgan ayollardan hech biri xastalikka qarshi emlash olmagan.
Izoh (0)