Ҳиндистон чегара кучлари самолётининг пойтахт Нью-Деҳли аэропортида қулаши оқибатида 10 киши ҳалок бўлди. Super King самолёти бортида Ранчига шаҳрига вертолёт таъмири учун йўл олган чегара кучларининг уч нафар зобити ва етти нафар техник ходим бўлган. Ҳодиса 22 декабрь, сешанба куни эрталаб, самолёт баландликка кўтарилаётганда рўй берди, дея хабар беради «РИА Новости».
NDTV телеканалининг маълум қилишича, самолёт парвоздан сўнг аниқланган техник нуқсонлар туфайли аэропортга қайтишга ҳаракат қилган бўлиши мумкин. Ҳаво кемаси деворга бориб урилган ва техник сув ҳавзасига қулаб, ёниб кетган. Айни пайтда бу ерда ўт ўчирувчилар ва полиция ходимлари ишламоқда.
Ҳиндистон ички ишлар вазири Ражнатх Сингх ҳодиса жойига келгани айтилмоқда, фуқаролик авиацияси вазири Махеш Шарма эса текширув бошлаш юзасидан кўрсатма берган.
Изоҳ (0)