Alisher Usmonov “Kommersant xolding” MChJning 100 foizlik ulushi egasiga aylandi. Bu haqda “Vedomosti” xabar bermoqda.
Shu paytgacha jamiyatga Kiprning Kommersant Holding (Cyprus) Ltd kompaniyasi egalik qilayotgandi. “Kommersant xolding” shu nomli gazeta ta’sischisi va noshiri bo‘lgan “Kommersant” aksiyadorlik jamiyatining yagona sohibi hisoblanadi. Alisher Usmonov “Kommersant” noshirlik uyini 2006-yilda sotib olgan, kelishuv summasi 200 million dollarni tashkil etgandi.
Eslatib o‘tamiz, oldinroq Alisher Usmonov xoldingiga “CTC Media” aktivlarini sotib olishga ruxsat berilgani haqida ma’lum qilingandi.
Izoh (0)