Fiat Tipo sedani Autobest tanlovida Yevropaning “2016-yildagi eng yaxshi avtomobili” deb topildi. “Segodnya.ua” xabariga ko‘ra, italyan avtomobilsozlari mahsuloti Opel Astra, Hyundai Tucson, Honda HR-V va Mazda CX-3 kabi modellarni ortda qoldirdi.
Yevropaning eng yaxshi avtomobili narx (avtomobil qiymati 20 ming yevrodan oshmasligi kerak), tejamkorlik, dizayn, boshqaruv xususiyatlari, dilerlik tarmog‘ining rivojlanganligi, servis va ehtiyot qismlarni olish osonligi kabi jihatlar bo‘yicha baholangan.
Fiat Tipo’ning taqdimoti 2015-yil bahorida bo‘lib o‘tgan edi. Mazkur model benzin va dizelli dvigatellarda taklif qilingan bo‘lib, motorlari 95 ot kuchidan 120 ot kuchigacha ega. Mazkur agregatlar olti bosqichli “mexanika” yoki “avtomat” uzatmalar qutisi bilan ishlay oladi.
Izoh (0)