“Yil avtomobili” nufuzli xalqaro tanlovida g‘oliblik uchun da’vogarlik qiladigan yettita eng yaxshi yangi mashinalar aniqlandi, deya xabar bermoqda “Gazeta.ru”.
Dastlab mukofot uchun 35 ta model jangga kirishdi, biroq butun dunyodan kelgan 58 nafar ekspert ishtirokidagi ovoz berishning birinchi bosqichidan so‘ng da’vogarlar bor-yo‘g‘i yettita qoldi. Bular Audi A4, BMW 7-seriya, Jaguar XE, Mazda MX-5, Opel Astra, Skoda Superb va Volvo XC90 bo‘ldi.
G‘olib 2016-yil 29-fevral kuni Jenevadagi Xalqaro avtosalon arafasida e’lon qilinadi.
Nomzodlar qat’iy talablarga javob berishi kerak: ular so‘nggi 12 oy ichida kamida beshta Yevropa mamlakatida sotuvda bo‘lgan butunlay yangi avtomobillar bo‘lishi kerak. Hakamlar ularni dizayn, qulaylik, xavfsizlik, tejamkorlik, boshqaruv, mahsuldorlik, funksionallik, ekologik me’yorlarga moslik, haydovchilarning qoniqqan-qoniqmaganligi kabi mezonlar bo‘yicha baholaydi.
Izoh (0)