Salvador futbol federatsiyasining sobiq prezidenti Reynaldo Vaskes Xalqaro futbol federatsiyasidagi (FIFA) korrupsiya ishi bo‘yicha mamlakat politsiyasi tomonidan hibsga olindi. Bu haqda “RIA Novosti” xabar bermoqda.
Vaskes Salvador futbol federatsiyasini 2009—2010-yillarda boshqargan. U FIFA tomonidan tashkil etilgan o‘yinlarga media huquqni sotishda pora olganlikda ayblanayotgan 16 nafar mansabdordan biri hisoblanadi.
Oldinroq Salvador rasmiylari Vaskesning AQShga ekstraditsiya qilinishini ma’qullagandi, biroq bu jarayon mamlakatning o‘zida amaldorga nisbatan ayblovlar ilgari surilishi munosabati bilan qoldirilishi mumkin.
Izoh (0)