O‘zbekistonlik FIFA referisi Ravshan Ermatov Yevropa klublari assotsiatsiyasining “Yilning eng yaxshi hakami” sovrinini qo‘lga kiritishi mumkin. Bu haqda “Championat.asia” xabar bermoqda.
Yil hakami nomiga, Ravshan Ermatovdan tashqari, Junayt Chaqir (Turkiya), Vilmar Roldan (Kolumbiya), Xoel Agilyar (Salvador), Bakari Papa Gassama (Gambiya) va Norbert Xauata (Taiti) ham da’vogarlik qilmoqda.
“Ovoz berish besh kun davom etadi. Globe Soccer Awards sovrinlari dekabr oxirida BAAda topshiriladi”, — deyiladi “Championat.asia” xabarida.
Ma’lumot uchun, 2014-yil yakunlariga ko‘ra, italiyalik Nikola Ritssoli Globe Soccer Awards tanlovi bo‘yicha “Yilning eng yaxshi hakami” deb topilgan edi.
Izoh (0)