O‘ta og‘ir vaznda jahonning sobiq mutloq chempioni Mayk Tayson CNBC telekanaliga bergan intervyusida karyerasi cho‘qqiga chiqqan payt moliyaviy holati 500 million dollarga baholangani, biroq pullarni to‘g‘ri sarflashni bilmagani uchun faoliyati yakunlanayotganda — Lennoks Lyuis bilan jangdan so‘ng oradan bir yil o‘tib o‘zini bankrot deb e’lon qilgani haqida hikoya qildi. Bu haqda “Korrespondent.net” xabar bermoqda.
“O‘zimda bo‘lgan pullarni to‘g‘ri sarflashni umuman bilmasdim, mablag‘larimni nazorat qilib turgan odamlar bilan qanday muomala qilishdan ham mutlaqo bexabar edim”, — deya tan olgan Tayson.
Hozirgacha dunyodagi eng taniqli insonlardan biri bo‘lib kelayotgan “Temir Mayk” mashhurligi yana oyoqqa turib, hayoti va karyerasi tafsilotlari haqidagi chiqishlari bilan millionerga aylanishiga yordam berganini bildirdi. Aytishicha, endi u eski qarzlarini to‘lab, pullarini o‘ta avaylab ishlatishga harakat qilmoqda.
Izoh (0)