Sardor Rashidovning goli Qatar chempionatida 13-turning eng chiroyli goli deb topildi

Qatar Yulduzlar Ligasi 13-tur uchrashuvlari doirasidan o‘rin olgan o‘yinda musobaqa jadvalida ikkinchi va uchinchi o‘rinlarda borayotgan “Al Jaish” hamda “Al Sadd” klublari o‘zaro to‘qnash keldi va unda “Al Jaish” 4:2 hisobida g‘alaba qozondi, deb xabar beradi “Sports.uz”.

Uchrashuvning 50-daqiqasida esa O‘zbekiston milliy terma jamoasi a’zosi Sardor Rashidov o‘z nomini tabloga yozdirib qo‘yishga erishdi.

Shu o‘rinda ta’kidlash joizki, Sardor Rashidov kiritgan gol Yulduzlar Ligasida 13-turning eng chiroyli goli deya tan olindi. Qatar Yulduzlar Ligasi tomonidan o‘tkazilgan so‘rovnomada Rashidov kiritgan golga muxlislar eng ko‘p ovoz berishdi. Sardor qolgan 3 ta ta’qibchisini katta farq bilan ortda qoldirdi va 52% ovoz bilan g‘olib bo‘ldi.

هل تعتقد ان هدف راشيدوف هو هدف الاسبوع ١٣؟
Do you think this finish from Rashidov is goal of the week 13 pic.twitter.com/KT6Kojg6yg

— مؤسسة دوري نجوم قطر 🇶🇦 (@QSL) December 15, 2015

Ta’kidlab o‘tamiz, Qatar milliy chempionatida 13 ta o‘yin o‘tkazgan Sardor Rashidov shu paytga qadar 9 bor raqiblar darvozasini ishg‘ol etishga erishdi va u to‘purarlar orasida bormoqda.