Ўта оғир вазнда жаҳоннинг собиқ мутлоқ чемпиони Майк Тайсон CNBC телеканалига берган интервьюсида карьераси чўққига чиққан пайт молиявий ҳолати 500 миллион долларга баҳолангани, бироқ пулларни тўғри сарфлашни билмагани учун фаолияти якунланаётганда — Леннокс Льюис билан жангдан сўнг орадан бир йил ўтиб ўзини банкрот деб эълон қилгани ҳақида ҳикоя қилди. Бу ҳақда «Корреспондент.net» хабар бермоқда.
«Ўзимда бўлган пулларни тўғри сарфлашни умуман билмасдим, маблағларимни назорат қилиб турган одамлар билан қандай муомала қилишдан ҳам мутлақо бехабар эдим», — дея тан олган Тайсон.
Ҳозиргача дунёдаги энг таниқли инсонлардан бири бўлиб келаётган «Темир Майк» машҳурлиги яна оёққа туриб, ҳаёти ва карьераси тафсилотлари ҳақидаги чиқишлари билан миллионерга айланишига ёрдам берганини билдирди. Айтишича, энди у эски қарзларини тўлаб, пулларини ўта авайлаб ишлатишга ҳаракат қилмоқда.
Изоҳ (0)