Yevropa Ittifoqi rasmiylari AQSh tomonidan ittifoqning ayrim toifadagi fuqarolari uchun cheklovlar qo‘llanilgan taqdirda, amerikalik fuqarolar uchun ham viza joriy qilinishini ma’lum qildi. Bu haqda EUObserver bergan ma’lumotlarga asosan “Korrespondent.net” xabar qilmoqda.
AQSh sanksiyalari, xususan, 2011-yildan keyin Suriya, Iroq, Eron yoki Sudan mamlakatlarida bo‘lib kelgan Yevroittifoq fuqarolariga ta’sir qilishi mumkin.
Qonun loyihasi Fransiyada 13-noyabrda bo‘lib o‘tgan teraktlar Suriya va Iroqdagi qurolli to‘qnashuvlarda ishtirok etgan fransiyalik va belgiyalik fuqarolar tomonidan sodir etilgandan keyin, AQSh kongressmenlari tomonidan ishlab chiqildi.
Bryusselning javob choralari qo‘llashi mumkinligi YeIga a’zo 28 davlat elchilari tomonidan 14-dekabrda AQShga ma’lum qilindi.
Izoh (0)