BMT bosh assambleyasi raisi Mogens Lyukketoft va Xavfsizlik kengashi raisi Samanta Pauer 15-dekabr, seshanba kuni xalqaro tashkilotga a’zo 193 ta mamlakatga BMT bosh kotibligiga nomzodlarni ilgari surish taklifi bildirilgan maktublarni yo‘lladi. Bunday maktub birinchi bor jo‘natilishi, uning matni yuzasidan muzokaralar bir necha hafta davom etdi, deya xabar beradi “TASS”.
“Biz yetakchilik sifatlari va rahbarlik qobiliyati, xalqaro munosabatlarda boy tajriba, diplomatik, kommunikatsion va til bobida malakaga ega nomzodlarni ilgari surishga chaqiramiz”, — deyiladi BMT shtab-kvartirasida tarqatilgan mazkur hujjatda.
Gender tengligiga rioya etgan holda ayollar nomzodini berish imkoniyatini ko‘rib chiqish, “mintaqaviy xilma-xillikka” e’tibor qaratish (shu paytga qadar sharqiy Yevropa mamlakatlari vakillari orasidan bosh kotib saylanmagan) maqsadga muvofiq ekanligiga alohida urg‘u berilgan.
2007-yil 1-yanvardan beri BMT bosh kotibi lavozimini egallab kelayotgan Pan Gi Munning vakolati 2016-yil 31-dekabrda yakuniga yetadi. O‘rnatilgan qoidaga muvofiq, u uchinchi muddatga o‘z nomzodini qo‘ya olmaydi.
Izoh (0)