Asli koreys millatiga mansub kanadalik 60 yoshli pastor (protestant ruhoniysi) Lim Xyon Su 16-dekabr, chorshanba kuni Pxenyanda KXDR Oliy sudi tomonidan umrbod qamoq jazosiga hukm etildi. Bu haqda “TASS” xabar bermoqda.
Pastorga KXDR oliy rahbariyati sha’nini tahqirlash, mamlakatdagi mavjud tuzumni ag‘darishga da’vat etish, Shimoliy Koreyani tark etishni istaganlarga ko‘mak berish, mamlakat hududida yashirin diniy tuzilmalar ochishga urinish ayblari qo‘yilgan.
Sud majlisi chog‘ida davlat ayblovchisi Lim Xyon Suga o‘lim jazosi tayinlanishini so‘radi. Ayblanuvchining advokati himoyasi ostidagi shaxsning hayotini saqlab qolishni so‘ragan, shuningdek, ruhoniyning o‘zi ham aybini tan olgan.
KXDRga gumanitar yordam ko‘rsatish masalasida kelgan Lim Xyon Su shu yil yanvar oyida hibsga olingandi.
Izoh (0)