Европа Иттифоқи расмийлари АҚШ томонидан иттифоқнинг айрим тоифадаги фуқаролари учун чекловлар қўлланилган тақдирда, америкалик фуқаролар учун ҳам виза жорий қилинишини маълум қилди. Бу ҳақда EUObserver берган маълумотларга асосан «Корреспондент.net» хабар қилмоқда.
АҚШ санкциялари, хусусан, 2011 йилдан кейин Сурия, Ироқ, Эрон ёки Судан мамлакатларида бўлиб келган Евроиттифоқ фуқароларига таъсир қилиши мумкин.
Қонун лойиҳаси Францияда 13 ноябрда бўлиб ўтган терактлар Сурия ва Ироқдаги қуролли тўқнашувларда иштирок этган франциялик ва бельгиялик фуқаролар томонидан содир этилгандан кейин, АҚШ конгрессменлари томонидан ишлаб чиқилди.
Брюсселнинг жавоб чоралари қўллаши мумкинлиги ЕИга аъзо 28 давлат элчилари томонидан 14 декабрда АҚШга маълум қилинди.
Изоҳ (0)