Turkiya poytaxti Anqarada Hurriyet Daily muxolifat gazetasi ofisi qurolli kishilar tomonidan o‘qqa tutildi, deya xabar bermoqda “RBK” mahalliy OAVlarga tayanib.
Gazeta idorasi joylashgan binoga 5—6 marta o‘q uzilgan, natijada uning oynalari chilparchin bo‘lgan. Shundan so‘ng politsiya bino yaqinida xavfsizlik choralarini ishga tushirgan.
Ba’zi ma’lumotlarga ko‘ra, o‘qlar bino yonidan avtomobilda o‘tib borayotgan erkaklar tomonidan uzilgan.
Nashr ta’kidlashicha, Hurriyet birinchi marta hujumga uchrayotgani yo‘q. Sentabr boshida ham bir necha marta hujum uyushtirilgan, unda 100 ga yaqin kishi ishtirok etgan edi. Shundan keyin jinoyat ishi qo‘zg‘atilgan va tergov doirasida 25 kishi qo‘lga olingan edi.
Izoh (0)