Moskva Turkiya qo‘shinlari Iroq shimoliga kiritilishi bilan bog‘liq vaziyatda Bag‘dod suverenitetini qo‘llab-quvvatlashini ma’lum qildi, deb yozadi “RBK”. Rossiya tashqi ishlar vazirligi o‘z bayonotida Turkiya xatti-harakatlari “noqonuniy” deb atadi.
Rossiya tashqi ishlar vaziri Sergey Lavrov iroqlik hamkasbi bilan Turkiya qo‘shinlarining Iroq shimoliga kiritilishini muhokama qildi. Iroq tashqi ishlar vaziri Lavrov bilan telefon suhbatida Iroq shimoliga “Turkiya harbiy kontingentining noqonuniy ravishda kiritilishi bilan bog‘liq vaziyatning borishi va Bag‘dodning BMT Xavfsizlik Kengashiga murojaati haqida” ma’lum qildi.
Rossiya tomoni, o‘z navbatida, Iroq suvereniteti va hududiy xavfsizligini, shuningdek, “Iroq hukumati shu munosabat bilan xalqaro huquq me’yorlari va BMT Nizomiga muvofiq qo‘llayotgan” harakatlarni qo‘llab-quvvatlashini bildirdi.
Izoh (0)