1 декабрь куни бутун жаҳонда ОИТСга қарши кураш куни нишонланди, дея хабар бермоқда «Газета.uz». Ўзбекистонда ҳам бу йил ОИTСга қарши кураш фаолиятининг 25 йиллиги нишонланмоқда.
Республика ОИTСга қарши кураш маркази маълумотларига кўра, 2015 йил 1 ноябрь ҳолатига кўра, Ўзбекистонда 32 743 нафар ОИВ ташхисига эга бемор рўйхатга олинган, уларнинг 57 фоизини эркаклар ташкил қилади. Беморларнинг кўпчилиги Тошкент шаҳри, Тошкент вилояти, Андижон вилояти ва Самарқанд вилояти ҳиссасига тўғри келади.
2000 йилдан буён мамлакатда ҳар йили ОИВ билан касалланиш бўйича ҳар юз минг аҳолига тахминан 13 та янги ҳолат ёки 4000 га яқин янги бемор қайд этилади.
Ўзбекистонда ОИВ-инфекция тарқалишининг олдини олиш бўйича комплекс стратегия Республика ОИTСга қарши кураш маркази ва ОИTСга қарши кураш бўйича 14 та ҳудудий марказдан иборат давлат умуммиллий тармоғи орқали амалга оширилмоқда.
Изоҳ (0)