Boshqirdistonda chaqalog‘iga o‘limga olib kelgan ukol qilgan ayolga nisbatan jinoiy ish ochildi

Boshqirdistonda (Rossiya) tergovchilar ehtiyotsizlik tufayli qiziga o‘limga olib kelgan ukol qilgan Yuqori Kigi qishlog‘ida yashovchi 43 yoshli ayolga nisbatan jinoiy ish ochdi. Bu haqda Rossiya Tergov qo‘mitasining respublika bo‘yicha tergov boshqarmasi saytida ma’lum qilingan.

Shu yil tug‘ilgan chaqaloqning o‘limi haqidagi xabar huquq-tartibot idoralariga Kiginskiy tumani kasalxonasidan kelgan. Tergov taxminiga ko‘ra, ayol shifokor ko‘rsatmalariga amal qilmay, chaqaloqni o‘zicha davolashga uringan va antibiotikni novokain o‘rniga lidokain eritmasi bilan aralashtirib, qiziga ukol qilgan. Chaqaloq o‘ta og‘ir holatda kasalxona keltirilgan va shu yerda olamdan o‘tgan.

Sud-tibbiyot ekspertlari xulosasiga ko‘ra, chaqaloqning o‘limi lidokainning toksik ta’siri natijasida yuz bergan. Ayolga nisbatan “Ehtiyotsizlik oqibatida o‘limga sabab bo‘lish” moddasi bo‘yicha jinoiy ish ochildi.