Yamanning Sana shahridagi isyonchi xusiylar tomonidan nazorat qilinadigan sud davlatga xiyonat aybi bo‘yicha mamlakatning oliy rahbariyati, shu jumladan, prezidentga qarshi ishni boshladi, deb yozadi “RIA Novosti”.
Ayblovlar Yaman prezidenti Abdu Rabbu Mansur Hodiy, uning uch maslahatchisi, sobiq tashqi ishlar vaziri Riyod Yosin, Yamanning AQShdagi elchisi va mamlakat milliy xavfsizligi apparati boshlig‘iga qarshi ilgari surildi.
Yaman hukumati ayni paytda o‘z ishini Adan — mamlakat janubidagi isyonchilardan ozod qilingan eng yirik shaharda turib olib bormoqda. Avvalroq prezident Hodiy Saudiya Arabistonidan aynan o‘sha yerga qaytib borgan edi. Mamlakat poytaxti Sana haligacha xusiylar va Yaman sobiq rahbari Ali Abdulla Solih tarafdorlari tomonidan egallanib turibdi.
Izoh (0)