Qozog‘iston Milliy banki 2015-yil 1-dekabrdan 20 ming tengelik banknotni muomalaga kiritmoqda. Yangi kupyura Qozog‘istonning birinchi prezidenti kuniga bag‘ishlab chiqarilgani ma’lum qilinmoqda. Bu haqda “Tengrinews.kz” xabar berdi.
Banknot 2013-yilda tayyorlangan. U muomalaga kiritilgan kundan qonuniy to‘lov vositasi hisoblanadi. Kupyuraning bir tarafida “Qozoq eli” monumenti, qanotli tulpor va “Mangu el” arki, ikkinchi tomonida esa Qozog‘iston xaritasi ko‘rinishi va poytaxt Ostona markaziy ma’muriy binolari tasvirlangan.
Bank tomonidan tarqatilgan ma’lumotga ko‘ra, yangi banknota dunyodagi eng himoyalangan pul birliklaridan hisoblanadi.
Izoh (0)